彡النايفـ ♥彡
08-26-2008, 12:08 AM
الشاعرة عابرة سبيل رحمها الله
اخترت لكم هذه القصايد للشاعرة عابرة سبيل
اتمنى ان تستمتعوا بقراءتها لما فيها من شاعريه وجمال00
حـــان الـوداع
حان الفراق .. وتم توديع غاليـن
قسوة زمن وظروف ماهي رحومه
وحاولت ابدّل موقف العسر باللين
وأبيـن قدامـه جسـور ظلومـه
وأعاتبه وأنقد على دمعـة العيـن
وانا - حشا لله - مانـي ألومـه
وأقول هذا حـال كـل المحبيـن
وهذا الفراق الي تجينـا علومـه
ومسكت نفسي كن ماصاير شيـن
أخشى على خلي يشقـق هدومـه
ثم قلت وش تنطر حبيبي لهالحين؟
!! أثر ايديني ماسكـات كمومـه
أنا عجـوز مطلقـة وام ورعـان
وأيضاً مدام وبنت وآنس وعانس
أنا بدوية وعايشه عند حضـران
وبنت البحر وابوي زارع وغارس
أمية ماتعـرف حـروف وألـوان
وتلميذة دشت جميـع المـدارس
ضفره وخبله ، عاقله،في نقصان
شرود وأنطح لي ثمانين فـارس
خلونِ أعيش العبره دون عنـوان
طيف يمر بـلا رقابـه وحـارس
ولها أيضاً : -
ترى الذبايـح واهلهـا ماتسلينـي
انا ادري ان المرض لايمكن علاجه
ادري تبي راحتـي يابعـد عينـي
حرام ماقصرت ايديـك فـي حاجـه
اخـذ وصاتـي وامانـه لاتبكينـي
لوكان لك خاطرن ماودي ازعاجـه
ابيك في ايدينك تشهدني وتسقينـي
وداعتك لايجـي جسمـي بثلاجـة
لف الكفن في ايديك وصف رجليـن
ماغيرك احدن كشف حسناه وحراجه
ابيك بالخيـر تذكرنـي وتطرينـي
يجيرني خالقي مـن نـار وهاجـه
سامح على اللي جرى مابينك وبيني
ايام امشـي عـدل وايـام منعاجـه
اعيالي همي وانا اللي في يكفينـي
علمهم الديـن تفسيـره ومنهاجـه
هذه الابيات عن نفسها
أهلي يـدرون إنـي شاعـرة
بس مايدرون في جرح الليالي
يمنعوني من كتابـة خاطـرة
مادروا إني من زمان بهالمجال
آه لو يدرون اني (( عابرة ))
عندهم بتصير موتتنا .. حلال
وتقول أيضاً
يسألوني عابـره ويـن الجديـد
والاجابـه ضايقـه فينـي ملـل
راحت ايام السعـاده والقصيـد
عشتها بيـن التكانـه والجهـل
كنت اروض شارد الحرف العنيد
ماعسرني لو بغيته فـي عجـل
فيه اصور لوعة الحـب الاكيـد
ومنّه(اشكل) ماحوى قلبي غـزل
ومعه (اسافر) عن معاناتي بعيد
ولأجل حبه ماشحنّي من زعـل
احضنه (فرحة) طفل في يوم عيد
واسكنه (روض) الخزاما والنفل
واحتويته ليت لي (قلب ٍ) بليـد
ماعرف (فرق) الجزاله والهـزل
والنهايه مابقـى عنـدي جديـد
واعذروني صارت ايامـي ملـل
ولها ايضا
أنا عجـوز مطلقـة وأم ورعـان
وأيضاً مدام وبنت وآنس وعانس
أنا بدوية وعايشه عند حضـران
وبنت البحر وأبوي زارع وغارس
أميةٍ ماتعـرف حـروف وألـوان
وتلميذةٍ دشت جميـع المـدارس
ظفرة وخبلة عاقلة فـي نقصـان
شرود وأنطح لي ثمانين فـارس
خلوني أعيش العابرة دون عنوان
طيفٍ يمـر بلارقابـة وحـارس
اترككم مع مختارات من شعر شاعرتنا ...
بريال عارضته
بريال عارضته على السوق بريال
من باعني برخيص والله لأبيعـه
من يشتري رجّال قصّر بالافعـال
باع العهـود الماضيـه للخديعـه
رجّال يسوى له ثمانيـن رجّـال
كل الصفات اللي ملكهـا فضيعـه
له ضحكةٍ تشبه لضحكات الأطفال
ذيبٍ ونظراتـه حنونـه وديعـه
وله فزعةٍ منها المجانين عقّـال
وفجوج لا ضاقت عليّ الوسيعـه
ياما عدل عوجا ثقيلات وطـوال
وأنـا معاقبتـه غيـورٌ صريعـه
والله يسوى لـه ثمانيـن رجّـال
والخبل مثلي لا زعل يب يبيعـه
(( رســـــــــالة من بــــــــــــدوية ))
تعال بشـرح لـك أنـا كـل مغلـوق
تعـال شاهـدنـي مــع ذكريـاتـي
لا لا يغرك لبس موضـة ومسحـوق
انفض غبار الوقـت تلقـي صفاتـي
قرب وطالع معّـن الشـوف بحـدوق
وزيف التطـور جـرده مـن حياتـي
بتشوف في وجهي من الماضي اطروق
أخذت من بطـن الصحـاري صفاتـي
طفلـة بثـوب مخيطينـه ومفـتـوق
تنطـر جديـد الثـوب بالعيـد ياتـي
سمعت طرف اخبار عن كلمة السـوق
وتاخذ وتسـأل هـو وجـوده ثباتـي
طفلـه سحبهـا الوقـت للهم برفـوق
حتي انهـا صـارت مـن العاشقاتـي
وجار الزمن وعرض الحـب للعـوق
شـرق ركايبهـا وهـم مشمـلاتـي
واتلا عهدها فيه يركـض ورا نـوق
مسرود جيب وفـي يدينـه عصاتـي
ويصد لكن يلتفت لـي مـن الشـوق
عجـلان يلخصنـي بعيـنٍ تحـاتـي
وقفـى وخطواتـه يتـلـن معـلـوق
وخلانـي ماتنقـل عظامـي عباتـي
ودار الزمان ولا مشي الحـظ بوفـوق
ومازلـت أخفـي بالظـلام اعبراتـي
ولا زلت أنا العب له علي كل طـاروق
حتـي يجيـب الله موعـد وفـاتـي
ضايقه
ضايقه بالحيل محتاجه اشتكـي
لولا طبع فيّ .. يمديني شكيت
بس أدور عذر منشان البكـي
لو يدوسون بطرف ثوبي بكيت
كل ماجيـت اتريـح وارتكـي
يزدحم في خاطري الفين بيـت
ويش بيدي افعله غير الحكـي؟
قاصره خطوات رجلي لو مشيت
أسرعي يانفس موتي واهلكـي
صرتي همي يوم بالدنيا شكيت
لاتسافر
لا تسافـر وتتركنـي أجاهـد غـلاك
كل شـي يهـون إلا جهـاد الغـرام
أما تبقـى معايـا أو اسافـر معـاك
لاتخلينـي لطـوال الليالـي طـعـام
خوفي البعد لامنـه خـذاك وطـواك
مثل قصـر تـولاه الزمـن والهـدام
لا تسافر وانا اللي في رجا الله ورجاك
!! لاتسافـر وتلقانـي بقايـا حطـام
هيـّا تغــزل
كل ما اتصل فيك.. صبح وليل تشكي لي
من عوج الاوضاع والدنيـا ومتاعبهـا
مليت يا صاحبـي مابيـك تحكـي لـي
هالأسطوانـه أنـا مليـت مطربـهـا
حتى خيالـك بتـال الليـل ياتـي لـي
جـروح وعيـون معقـوده حواجبهـا
عيشتنـي بعالـم ماهـو علـى جيلـي
زهـرة شبابـي حـرام انـك تخربهـا
يامـا هجرتـك ولا كملّـت ترحيـلـي
حبايـب ماتعـبـر عــن حبايبـهـا
حبيبتـك مـا تحـمّـل هالبهاذيـلـي
إضحـك معاهـا ولاطفهـا ولاعبـهـا
هيّـا تغـزل وغـن وزيـد تدليـلـي
البنـت ياحبـهـا لـلـي يداعبـهـا
قلي وش رايـك بفستانـي ومنديلـي؟
الوانهن تعجبك .. أو مانـت راغبهـا؟
وقلي وش رايك بعقدي مع خلاخيلـي؟
وشف قذلتـي يـوم قصينـا ذوايبهـا
وقلي وش رايـك بأطباعـي وأقاويلـي
لاحـظ عليهـا وغيّـرهـا وشطّبـهـا
خل بيننـا انقـاش وعلـوم وتعاليلـي
وآمر على البنت وان حبيـت طالبهـا
يامدمـن الهـم كافـي دمـع بالليلـي
بكره تشبـع مـن الدنيـا ومصايبهـا
دنيـاك والله .. ماتسـوى التزاعيلـي
حتـى ولاهيـب كفـو الـي يعاتبهـا
إنا لله
ليتنـي البارحـه ياغالـي ماسريـت
يم درج ٍ مقفـل مـن قديـم السنيـن
أشهد اني فتحتـه وانتحبـت وبكيـت
شفت ماهيض الجرح القديـم الدفيـن
شفت وسطه رساله وليتنـي ماقريـت
بيت شعر قديم وظرف مع صورتيـن
اشهد انـي لغيـره بالغـلا ماعطيـت
واشهد انه بغاني مير ما مـن عويـن
صحت من قلب ياويلي على اللي هويت
وقمت امسح دموعي من يسار ويمين
لاطرالي حبيبي بصوت واطي حكيـت
!! إنا لله .... وإنـا للولـي راجعيـن
يا يمه
يمه .. يايمـه .. فديتـك لاتخلينـي
بعثرني الهم وأبغـى يديـك تجمعنـي
يمه افهمينـي تـراك ان مافهمتينـي
مافيـه شخـص بهالدنيـا بيسعمنـي
ماعدت انا طفلتك.. كبـرت شوفينـي
خليك يمي تـرى الاطمـاع تتبعنـي
لاتدللينـي .. أبـي منـك تدليـنـي
وابـي ايديـك تداعبنـي وتصفعنـي
ولا انهد حيلي أبي عطفـك يقوينـي
ياما كلامك علـى الشـدات شجعنـي
وان جيتك ابكي .. ابي منك تهدينـي
مابيك تبكين .. أبغى العقـل ينفعنـي
يامملكة عطـف ياعطـر الرياحينـي
براثـن الهـم والهوجـاس تلسعنـي
بسمتك عندي الا من ضقت تكفينـي
وارضاك عني عن الاحزان يرفعنـي
اسمى العلاقات تربـط بينـك وبينـي
ياللي احضانك ان ضاق الكون تاسعني
لك احترامي وحبي والوفـا .. فينـي
وفيك اروع الحب مايخطي ويخدعنـي
الناس
الناس سدّادة سلف يوم الرخا باكـر يضيـع
ما بي اسوي حاجة أصبـح عليهـا نادمـه
أبحث بقلب التجربه وآخذ من أحداث الجميع
عبره تساعدني على صدمات وقـت قادمـه
بعطي واسامح للبشر وأحسن مع الكل الصنيع
حتى إذا جار الزمن القـى صديـق انادمـه
ودي على طول الزمن أكون منديـل الفجيـع
أحب أعمّر ما أرتضي أكون ـلحظةـنادمـه
وما دمت أنا متعافيه وما زلت في سن الربيع
مهما يكن حجم العمل أرفض وجود الخادمـة
لي صاحبٍ منه تبي تطلع الـروح
خبلٍ ومن هي مولعه فيه .. خبلـه
عاملين المح له من الجد ومـزوح
واقـول ياعنتـر تناديـك عبلـه
طال المدى ثم قلت انا اغليك يالوح
مجروحه جـرحٍ مخاطـره عجلـه
دنق وقال آنا من العـام مجـروح
وأشر لجرحٍ مبطي وسـط رجلـه
ومن أبياتها:
أبكسر الاغلال واعيش حره
بصنع قراري وكل شيٍ بيدي
مليت من صبرٍ عطاني مضره
أعيش في عصرٍ لجدّان جدي
عابرة سبيل
اللهم ارحمهاوارحم اموات المسلمين
.
اخترت لكم هذه القصايد للشاعرة عابرة سبيل
اتمنى ان تستمتعوا بقراءتها لما فيها من شاعريه وجمال00
حـــان الـوداع
حان الفراق .. وتم توديع غاليـن
قسوة زمن وظروف ماهي رحومه
وحاولت ابدّل موقف العسر باللين
وأبيـن قدامـه جسـور ظلومـه
وأعاتبه وأنقد على دمعـة العيـن
وانا - حشا لله - مانـي ألومـه
وأقول هذا حـال كـل المحبيـن
وهذا الفراق الي تجينـا علومـه
ومسكت نفسي كن ماصاير شيـن
أخشى على خلي يشقـق هدومـه
ثم قلت وش تنطر حبيبي لهالحين؟
!! أثر ايديني ماسكـات كمومـه
أنا عجـوز مطلقـة وام ورعـان
وأيضاً مدام وبنت وآنس وعانس
أنا بدوية وعايشه عند حضـران
وبنت البحر وابوي زارع وغارس
أمية ماتعـرف حـروف وألـوان
وتلميذة دشت جميـع المـدارس
ضفره وخبله ، عاقله،في نقصان
شرود وأنطح لي ثمانين فـارس
خلونِ أعيش العبره دون عنـوان
طيف يمر بـلا رقابـه وحـارس
ولها أيضاً : -
ترى الذبايـح واهلهـا ماتسلينـي
انا ادري ان المرض لايمكن علاجه
ادري تبي راحتـي يابعـد عينـي
حرام ماقصرت ايديـك فـي حاجـه
اخـذ وصاتـي وامانـه لاتبكينـي
لوكان لك خاطرن ماودي ازعاجـه
ابيك في ايدينك تشهدني وتسقينـي
وداعتك لايجـي جسمـي بثلاجـة
لف الكفن في ايديك وصف رجليـن
ماغيرك احدن كشف حسناه وحراجه
ابيك بالخيـر تذكرنـي وتطرينـي
يجيرني خالقي مـن نـار وهاجـه
سامح على اللي جرى مابينك وبيني
ايام امشـي عـدل وايـام منعاجـه
اعيالي همي وانا اللي في يكفينـي
علمهم الديـن تفسيـره ومنهاجـه
هذه الابيات عن نفسها
أهلي يـدرون إنـي شاعـرة
بس مايدرون في جرح الليالي
يمنعوني من كتابـة خاطـرة
مادروا إني من زمان بهالمجال
آه لو يدرون اني (( عابرة ))
عندهم بتصير موتتنا .. حلال
وتقول أيضاً
يسألوني عابـره ويـن الجديـد
والاجابـه ضايقـه فينـي ملـل
راحت ايام السعـاده والقصيـد
عشتها بيـن التكانـه والجهـل
كنت اروض شارد الحرف العنيد
ماعسرني لو بغيته فـي عجـل
فيه اصور لوعة الحـب الاكيـد
ومنّه(اشكل) ماحوى قلبي غـزل
ومعه (اسافر) عن معاناتي بعيد
ولأجل حبه ماشحنّي من زعـل
احضنه (فرحة) طفل في يوم عيد
واسكنه (روض) الخزاما والنفل
واحتويته ليت لي (قلب ٍ) بليـد
ماعرف (فرق) الجزاله والهـزل
والنهايه مابقـى عنـدي جديـد
واعذروني صارت ايامـي ملـل
ولها ايضا
أنا عجـوز مطلقـة وأم ورعـان
وأيضاً مدام وبنت وآنس وعانس
أنا بدوية وعايشه عند حضـران
وبنت البحر وأبوي زارع وغارس
أميةٍ ماتعـرف حـروف وألـوان
وتلميذةٍ دشت جميـع المـدارس
ظفرة وخبلة عاقلة فـي نقصـان
شرود وأنطح لي ثمانين فـارس
خلوني أعيش العابرة دون عنوان
طيفٍ يمـر بلارقابـة وحـارس
اترككم مع مختارات من شعر شاعرتنا ...
بريال عارضته
بريال عارضته على السوق بريال
من باعني برخيص والله لأبيعـه
من يشتري رجّال قصّر بالافعـال
باع العهـود الماضيـه للخديعـه
رجّال يسوى له ثمانيـن رجّـال
كل الصفات اللي ملكهـا فضيعـه
له ضحكةٍ تشبه لضحكات الأطفال
ذيبٍ ونظراتـه حنونـه وديعـه
وله فزعةٍ منها المجانين عقّـال
وفجوج لا ضاقت عليّ الوسيعـه
ياما عدل عوجا ثقيلات وطـوال
وأنـا معاقبتـه غيـورٌ صريعـه
والله يسوى لـه ثمانيـن رجّـال
والخبل مثلي لا زعل يب يبيعـه
(( رســـــــــالة من بــــــــــــدوية ))
تعال بشـرح لـك أنـا كـل مغلـوق
تعـال شاهـدنـي مــع ذكريـاتـي
لا لا يغرك لبس موضـة ومسحـوق
انفض غبار الوقـت تلقـي صفاتـي
قرب وطالع معّـن الشـوف بحـدوق
وزيف التطـور جـرده مـن حياتـي
بتشوف في وجهي من الماضي اطروق
أخذت من بطـن الصحـاري صفاتـي
طفلـة بثـوب مخيطينـه ومفـتـوق
تنطـر جديـد الثـوب بالعيـد ياتـي
سمعت طرف اخبار عن كلمة السـوق
وتاخذ وتسـأل هـو وجـوده ثباتـي
طفلـه سحبهـا الوقـت للهم برفـوق
حتي انهـا صـارت مـن العاشقاتـي
وجار الزمن وعرض الحـب للعـوق
شـرق ركايبهـا وهـم مشمـلاتـي
واتلا عهدها فيه يركـض ورا نـوق
مسرود جيب وفـي يدينـه عصاتـي
ويصد لكن يلتفت لـي مـن الشـوق
عجـلان يلخصنـي بعيـنٍ تحـاتـي
وقفـى وخطواتـه يتـلـن معـلـوق
وخلانـي ماتنقـل عظامـي عباتـي
ودار الزمان ولا مشي الحـظ بوفـوق
ومازلـت أخفـي بالظـلام اعبراتـي
ولا زلت أنا العب له علي كل طـاروق
حتـي يجيـب الله موعـد وفـاتـي
ضايقه
ضايقه بالحيل محتاجه اشتكـي
لولا طبع فيّ .. يمديني شكيت
بس أدور عذر منشان البكـي
لو يدوسون بطرف ثوبي بكيت
كل ماجيـت اتريـح وارتكـي
يزدحم في خاطري الفين بيـت
ويش بيدي افعله غير الحكـي؟
قاصره خطوات رجلي لو مشيت
أسرعي يانفس موتي واهلكـي
صرتي همي يوم بالدنيا شكيت
لاتسافر
لا تسافـر وتتركنـي أجاهـد غـلاك
كل شـي يهـون إلا جهـاد الغـرام
أما تبقـى معايـا أو اسافـر معـاك
لاتخلينـي لطـوال الليالـي طـعـام
خوفي البعد لامنـه خـذاك وطـواك
مثل قصـر تـولاه الزمـن والهـدام
لا تسافر وانا اللي في رجا الله ورجاك
!! لاتسافـر وتلقانـي بقايـا حطـام
هيـّا تغــزل
كل ما اتصل فيك.. صبح وليل تشكي لي
من عوج الاوضاع والدنيـا ومتاعبهـا
مليت يا صاحبـي مابيـك تحكـي لـي
هالأسطوانـه أنـا مليـت مطربـهـا
حتى خيالـك بتـال الليـل ياتـي لـي
جـروح وعيـون معقـوده حواجبهـا
عيشتنـي بعالـم ماهـو علـى جيلـي
زهـرة شبابـي حـرام انـك تخربهـا
يامـا هجرتـك ولا كملّـت ترحيـلـي
حبايـب ماتعـبـر عــن حبايبـهـا
حبيبتـك مـا تحـمّـل هالبهاذيـلـي
إضحـك معاهـا ولاطفهـا ولاعبـهـا
هيّـا تغـزل وغـن وزيـد تدليـلـي
البنـت ياحبـهـا لـلـي يداعبـهـا
قلي وش رايـك بفستانـي ومنديلـي؟
الوانهن تعجبك .. أو مانـت راغبهـا؟
وقلي وش رايك بعقدي مع خلاخيلـي؟
وشف قذلتـي يـوم قصينـا ذوايبهـا
وقلي وش رايـك بأطباعـي وأقاويلـي
لاحـظ عليهـا وغيّـرهـا وشطّبـهـا
خل بيننـا انقـاش وعلـوم وتعاليلـي
وآمر على البنت وان حبيـت طالبهـا
يامدمـن الهـم كافـي دمـع بالليلـي
بكره تشبـع مـن الدنيـا ومصايبهـا
دنيـاك والله .. ماتسـوى التزاعيلـي
حتـى ولاهيـب كفـو الـي يعاتبهـا
إنا لله
ليتنـي البارحـه ياغالـي ماسريـت
يم درج ٍ مقفـل مـن قديـم السنيـن
أشهد اني فتحتـه وانتحبـت وبكيـت
شفت ماهيض الجرح القديـم الدفيـن
شفت وسطه رساله وليتنـي ماقريـت
بيت شعر قديم وظرف مع صورتيـن
اشهد انـي لغيـره بالغـلا ماعطيـت
واشهد انه بغاني مير ما مـن عويـن
صحت من قلب ياويلي على اللي هويت
وقمت امسح دموعي من يسار ويمين
لاطرالي حبيبي بصوت واطي حكيـت
!! إنا لله .... وإنـا للولـي راجعيـن
يا يمه
يمه .. يايمـه .. فديتـك لاتخلينـي
بعثرني الهم وأبغـى يديـك تجمعنـي
يمه افهمينـي تـراك ان مافهمتينـي
مافيـه شخـص بهالدنيـا بيسعمنـي
ماعدت انا طفلتك.. كبـرت شوفينـي
خليك يمي تـرى الاطمـاع تتبعنـي
لاتدللينـي .. أبـي منـك تدليـنـي
وابـي ايديـك تداعبنـي وتصفعنـي
ولا انهد حيلي أبي عطفـك يقوينـي
ياما كلامك علـى الشـدات شجعنـي
وان جيتك ابكي .. ابي منك تهدينـي
مابيك تبكين .. أبغى العقـل ينفعنـي
يامملكة عطـف ياعطـر الرياحينـي
براثـن الهـم والهوجـاس تلسعنـي
بسمتك عندي الا من ضقت تكفينـي
وارضاك عني عن الاحزان يرفعنـي
اسمى العلاقات تربـط بينـك وبينـي
ياللي احضانك ان ضاق الكون تاسعني
لك احترامي وحبي والوفـا .. فينـي
وفيك اروع الحب مايخطي ويخدعنـي
الناس
الناس سدّادة سلف يوم الرخا باكـر يضيـع
ما بي اسوي حاجة أصبـح عليهـا نادمـه
أبحث بقلب التجربه وآخذ من أحداث الجميع
عبره تساعدني على صدمات وقـت قادمـه
بعطي واسامح للبشر وأحسن مع الكل الصنيع
حتى إذا جار الزمن القـى صديـق انادمـه
ودي على طول الزمن أكون منديـل الفجيـع
أحب أعمّر ما أرتضي أكون ـلحظةـنادمـه
وما دمت أنا متعافيه وما زلت في سن الربيع
مهما يكن حجم العمل أرفض وجود الخادمـة
لي صاحبٍ منه تبي تطلع الـروح
خبلٍ ومن هي مولعه فيه .. خبلـه
عاملين المح له من الجد ومـزوح
واقـول ياعنتـر تناديـك عبلـه
طال المدى ثم قلت انا اغليك يالوح
مجروحه جـرحٍ مخاطـره عجلـه
دنق وقال آنا من العـام مجـروح
وأشر لجرحٍ مبطي وسـط رجلـه
ومن أبياتها:
أبكسر الاغلال واعيش حره
بصنع قراري وكل شيٍ بيدي
مليت من صبرٍ عطاني مضره
أعيش في عصرٍ لجدّان جدي
عابرة سبيل
اللهم ارحمهاوارحم اموات المسلمين
.