غلطة عمر

[دوفي دوف]

ساقت مشاوير الشقاء .. واردف الليل
وسريت .. ودروب السهر سرمديه

ازريت اسوق الهم .. واحط ..واشيل
وتعبت اكابر... والمواجع نديه

الحيل مل من التعب .. مابقى حيل
والجفن.. ماله بالسهر مقدريه

يالله عسى درب السنع بالمقابيل
والا .. الليال اللي مضت جرهديه

حرٍ كفخ .. واستأسرته المحابيل
وعقب السماء الرحبه هوى للوطيه


حرٍ غدرفيه الزمن والمداخيل
مقرود وكفوف العطايا رديه


غلطة عمر منها جنيت البهاذيل
ذنوب غيري حطها الله عليه


غلطة .. ودحدرها القدر بالمحاصيل
ورضيت بالمقسوم غصبٍ عليه


تناقلتها شلة القال ..والقيل
وحطوا عليها لين صارت .. قضيه !!


وقامت تناهشني رخوم الرجاجيل
اهل الملامه .. والعلوم الرديه


اللي تجيك اخبارهم بالتفاصيل
ويحرفون الهرج عن سوء نيه


بالله قل لي ياسود الوجه ...ياليل
وضح النوايا .. كيف صارت خطيه؟؟


قل لي .. من اللي ضلل الحق تضليل
ومن علم الوافي يخون بخويه ؟؟


ومن بروز الاوهام .. خدعه وتمثيل
ومن طلسم الواقع ؟ وخان الوصيه ؟


من قال لي .. دربك مهود..وتساهيل
ومن علم الضحكات تمشي عليه !!؟


من كفن دموع الوفاء بالمناديل ؟
ومن هو جزاء الحسنه بمليون سيه


اللي قتل حلم الضلوع المناحيل
وقال انقتل فيك العوض والبقيه !!


جاوب سؤالي ياسود الوجه ياليل
وضح النوايا .. كيف صارت خطيه !؟

[منبع الذوق]

قصيده رااائعه يعطيك العافيه

دمت بوود

[شمعة الحب]

ابيات رائعه يعطيك العافيه

احترامي وتقديري

[مـــ ع ـــانـــد]

كلمات مميزه وابداع لامتناهي

[ابن مجيديع]

الف شكرعلى نقل القصيده الاكثرمن رائعه وصح السان شاعرهالين يرضى
كم تمنيت ان تكون هذه القصيده من قلمي
تقبل مروري

[فهد القصيم]

صــــــــــح لسانك
ولسان القائــــــــل
ابيات منتهى الروعه

[دلوعه البرنس]

تسلم ايدييييييييييييييين كاتبها
وصح لسان قايلها

[دوفي دوف]

أعزائي

شكراً على مروركم الذي عطر متصفحي

فلكم ودي وباقات معطره من وردي

[هدو هدو]

دوفي دوف..
أعجبني ما سطره قلمك هنــآ ..
ورـآق لي ـإبدـآع ـأنــآملك ..

دمت بود.

[دوفي دوف]

أسعدني مرورك عزيزتي هدو

ولقد أنرتي متصفحي بحضورك الرائع

فشكراً لك أخيه

[الكايد]

دوفي دوف /
صح لسان الشاعر ويعطيك العافيه على حسن لآ ختياار
سلمت وسلمت ذائقتك ..

[ROOOG]

صح لسان القائل وسلمت يمين الناقل......

دوفي دوف مشكوووووووور.......

وربي يــ ع ــطيك الــ ع ــافيه....