يامل قلب يسج وفيه دولاجــــــــــــه =

[شمعة الحب]

يامل قلـب يسـج وفيـه دولاجـه
من هاجس بالضمايرقـام يدرجهـا

في معزل عن جميع الخلق وازعاجه
ما اسمع من الناس لوتكثر لجالجها

ماغير اهوجس تقول مضيع حاجـه
آخذ واسند على روحي واهرجهـا

وادوج لوكـان مارجلـي بدواجـه
ادلّـه النفـس ليـن الله يفرجهـا

يالله يالي بيدك الضيـق وافراجـه
ياخالق الخلق ياقاضـي حوايجهـا

تفرج لعين الذي أغفت بسوهاجـه
تجهز عليها الطواري لين تزعجها

بالصدر ضيقه ونوم العين هملاجـه
عيني من العام والسهـر متولجهـا

نوب سهرها شديد ونـوب نهاجـه
ومر تكن الدمـوع ومـر تزعجهـا

عليك ياللـي بقلبـي كـن وهاجـه
وهاج نار هوى الغربـي يسارجهـا

أبو ثمـان تشـاد اللولـو لعاجـه
كن البرد يوم يضحك في مفالجهـا

ياروح روحي وجرح القلب واعلاجه
الطف بحال عليك الهـم ساهجهـا

قلبي يناجيك بسلوب الهوى .. ناجه
يشكي لك الحال داخلهـا وخارجهـا

اما التفت لي وتم الوصل بمواجـه
والا بـلا عشـرة هـذي نتايجهـا

وش ينفعك من حنين القلب وخلاجه
وجروحي اسبابها انت ولا تعالجهـا




الشاعر الكبير / عبد الله بن نايف بن عون الرويـس العتيبي

[المقام السامي]

صح لسان بن عون وسلمت يدك على الانتقاء الرائع

تقديري

[إْلـم متلحـف بعبره]

الله الله يابن عون صح والله لسسسسسسسسسانك اعشق هذه القصيده كثيراً..
(شمعة الحب) .. قصيده في منتهى الرووووووووعه .. يعطيك الف عافيه ..
تحيـــــــــــــــــاتي المعطره ..

[ع ـآلـي مستـوآهـآ]

صح الله لسآآن الشآآعر .. )

وتسلم يمنااك ع النقل .. *

تحيييتي ..


\

[الباشا]

قصيدة لشاعر أعتلى القمه


كل بيت يعتبر قصيده


يعطيك العافيه


أختيار أشكرك عليه


تحيتي لك

[عذبة الصوت]

قصيده رآئعه
صح لسان شاعرها / وسلم ناقلها

لك ودي

[شمعة الحب]

الم

اسعدني حضووورك الف شكر لك

[شمعة الحب]

عالي مستواها

حضور رااائع الف شكر لك

[شمعة الحب]

الباشا

اسعدني حضورك العطرر

يسلمووو

[شمعة الحب]

عذوبه

اسعدني مرورك العطر

[منبع الذوق]

صح لسان شاعرها وسلمت يد ناقلها

مودتي

[شمعة الحب]

اسعدني حضورك نبوعتي