الشايب والوايت‎

[شيهانة الرياض]

يسولفون عن شايب نوا يشتري له وايت..عشان الحلال،،



وعزم يجمع له بالدراهم لين صار عنده ثمانين الف ريال،، وتوكل على الله،،



واقبل ذاك اليوم إلا ذيك الناس المجتمعة في ارض فضا،،



واثري جمبهم وايت،، وعجب خوينا هالوايت،،



قال بس خلن اشوف هالوايت عساه للبيع،،



يوم وقف واثري هالجماعة يحرجون:



50 ،، 52 ،، 55 ،،



قال بس شكلهم يحرجون على هالوايت إن شاء الله انه من نصيبي،،



ويخش بالحراج... 56 .. ويزود.. ويزودون .. ويزود..


لين وصلوا 75 .. قام خربها وقال 80 ..



هو قال ثمانيييييييييين يوم سكتوا..!!! وهجدوا..!!!! والتفتوا عليه،،!!!!





يناظرونه.. يناظرون بعض.. يوم تغامزوا ونقز له واحد منهم ..



ويسحبه على جنب.. قال شف يابن الحلال بنعطيك مليون ريال بس امش من هنا ولا نشوف وجهك..





قال هااااا.. وش السالفة..؟؟!! مليون .. وليه..؟؟ قال له بس خذ هالشيك وتوكل على الله



وش اسمك؟؟ عطاه اسمه وكتب له الشيك بمليون ريال وصرّف الرجال..



هو ما يدري وش السالفة ..





طيب وش العلم ..!!!!!؟؟!!!!





اثري هالجماعة يحرجون على المخطط وواقفين بالصدفة جمب الوايت..

و56 مليون و75 مليون.. وبو الشباب خش معهم..



ويحسبونه هامور يبي يلطش عليهم المخطط.. قاموا صرفوه بمليون..



وهو طاير من الفرحة..


منقوال

[•• ღالـلــــــوردღ ••]

ويحسبونه هامور حلوووووووووووه قصه دمها خفيف ويديك العافيه
أختي شيخة الزين حض يكسر الصخر
بروح ادورلي وايت
ههههههههههههه

[شيهانة الرياض]

زين ودورلي معك ويت ثاني وقلي عليه

[فيلسوف]

يعطيك عافيه

لا تنسوانا دورولي معكم

[المقام السامي]

مالقاها الا هو لكن اطرف عايدي تشوفونه علموني فيه

بس ماحوله مخطط عشان مابلش

لك كل الشكر على الموضوع وتقبل مروري

[彡النايفـ ♥彡]

الله على الحراج الي كذا واخرتها مليون مولود حظه قبله
.
.


اللـــه يعطيكـ العــافيــــه
.
.
.
بنتظار جديدكــ

.
.
تحياتي

[غريب دلوني]

البرحه الي جنب بيتنا فيها وايت


تصدقون ابي انتظر الحراج لما يجي

الله يعطيك العافيه

تقبلي مروري مع فائق احترامي