روائع اسطورة عتيبه > بندر بن سرور

[راكان الروقي]

يـــالله يا جـال الأمـــور المــهمـــة . . تجـلى وهـق قلب برى حال راعـيـه
البــر دجتــه و البحــر رحــت يمّه . .. أدرج سبب حـظ علـى الله مـسـاعيـه
يـوم إن ولد اللاش رزقه على أمه ... رزقي على اللي ميّت القشـع يحيـيـه
مانــــي وانا بنــدر بـبـيــاع دمـــه . .. يـقــطعـك يا بيّـاع دمّـه و مـهــفــيــه
اللـي يــبـيّــع لابـــــسـات الأزمـه .. . ثــور يبـي بيــض العمـاهيــج تغنـيـه
يزعــل ليـا جت ليــــلة الدول يمّه ... يـرضى بسـوق المـال بأخيـه و أبيـه
خطــو البــخيــل اللـي يكبّر معمه ... يقـرا الكـتــاب وواجــب الله مخـلـيــه
أمـا هـــرج لـه في رفيــقــه بـنمّه .. . والا عـطا و أمــه تضيّــع هقــاويـــه
يا مـل قلــب كـل ما مـات هـمّـــه . ... دارت دوالـيــب الدهــر ليـــن تحييـه
فرّاق شمــل النــاس عــيّا يـلــمـه .. . وقـتـن يشيــب الـراس من شـاية فيـه
أحـــدن ينــــام و حط راسه بكمه . .. و أحـدن تخـم النـوم عينـــه و تخطيه
و أحدن يحاول بالردى بنت عمه ... و أحـدن يحـاول ستـر عــذرا عوانيه
تخــالف الأنظــار شرقــن و يمّه .. . كـلٍ هـدف رايـه مـن النـاس مرضيه
أنشـــدك ياللــي كـــل شــي تتـمه .. تقــرا الـــكـتـاب كـل فـرض تصــليّه
ويـش القـليـب اللـي عميق مجمّه ... ما ســرّ غرسـه مــاه عطشى سوانيه
سم السبب يا عارفـــن عنـه سمه .. . ســم السبــب يا عـــارفــه قبل اسميه
والله يا لا لا كلمــة قيــل ذلّـيـــت .. . لاترك مقاصى اللاش نقص و مهونة
لا شـك ضــرّاب المثـل به تقدّيت .... مـن حــرّك المجنــون ناطـــح جنونه

[راكان الروقي]

كانت هناك قصيده لبندر يهجو بها السديري وعندما سأل السديري عن عدم رده علي بندر قال هذا شاعر بيوته ابكار اي بكر لم يسبقه احد علي قولها.
وله بيت يؤكد ما قيل عنه

أنااليا مني نويت أفتل البيت ***فتلت والشعار ما ينقضونه
صدق متنبي عتيبه

[راكان الروقي]

من قصايد بندر بن سرور (في الصبر)

أنا الذي ما ابدي على الناس سرّي .. . من خوف سودان الوجيه تحكي به
أصبر على ظيم الدهر و التعرّي .. . من شان من يرضى عليّ الغليبة
و ابعد مجالي عن عيال التزرّي . .. من لا هوى قلبي دواه المغيبة
واخاف لي من مجلسٍ ما يذرّي ... في جانبه بومٍ حساسه صليبه
و سوالفٍ مابين بحث و تحرّي .. . يجرح فؤادي عيّه و ابتلي به
يرضيني المقسوم خيري و شري . .. سبحان من لا تعلم الناس غيبه
أحدٍ على ربعه يحب التحري . .. للشر بلاس و خيره بجيبه
هذاك يالربع انا منه متبرّي .. . لو عضّني ناب الدهر ما انتخي به
من خوف يضحك لي و هو يستغرّي ... يفتل حبال السّوْ ما يندري به
يفرح عليّ بكل شيٍّ يمرّي .. . و ان شاف يمّي خير عنّي نهيبه

[راكان الروقي]

من قصايد بندر بن سرور

من بلاد الشام جينا بالمكينة ... فوق فرتٍ ما تخثع بالطماني
يحتدي مثل الجمل تسمع رطينه .. . مع طمان القاع مثل الثعلباني
والشـُفير من المدارس مطلعينه .. . عن ظلام الليل شب الكهرباني
كل ما جاه تل يلعن والدينه.. . باليمين اللي على كل اليماني
ما تجيه يسار رجله شوف عينه .. . غير يسرى الطار شيٍّ بالاماني
يوم قال له الخوي عاشت يدينه . .. شد رجله للكمك واحد و ثاني
يالله انك تنصره من نصر دينه .. . إن عطى له مع غبا ولا بياني
قلت يالمطنوخ أنا عيني حزينه.. . من شراب اللف أبيه و عنك كاني
قد رمى بالكيس قدمي قال وينه ... دوك ما بالجيب عن شيٍ لهاني
قلت ثالث قال يالله لا تهينه . .. قلت خامس قال يطلب نقل ثاني
قال واحد و الكمك واسمع حنينه ... كيف ما ترضى عليّه بالهواني
قلت واحد و الكمك ضام المكينة ... قال لي من يرحم القاسي لياني
قلت والله يرحمونه صانعينه . .. قد زعلت من اللهيب اللي حداني
قال ما ناثق بمن هم متقنينه ... عن مشاور غير عرفي قد كفاني
قاطع عرقين مادري وين وينه ... قد وصلت الأرض و اسمع صوت ثاني
قلت دوك اللف خابوا شاربينه ... غطّني عن شوف شي ما خفاني
............... منقول

[•• ღالـلــــــوردღ ••]

مشكور اخوي علي النقل الرائع
وتقبل مروري

[المستشار]

مشكور على النقل

وتقبل مروري

[فيلسوف]

الله لايهينك

يا

راكان الروقي

[راكان الروقي]

الشكر موصول
للجميع ع المرور الرائع

[غريب دلوني]

الله يعطيك العافيه

علىى النقل

تقبل مروري مع فائق احترامي