عبيط محترم
10-31-2009, 04:13 PM
واهني الصخرة اللي ما تحرقها السموم ......... والزمان اللي يهـد العـزم مـا هدهـا
الزمان اللـي تحـدى قوييـن العـزوم .............. لين مشاها علـى ود مـا هـو ودهـا
المجامل بعض الأحيان ما يقضي لـزوم ....... قاضب النفس الضعيفة ولا هـو قدهـا
كل ما كبرت وضاقت على عيال الرخوم .......... نحتزم لأكبـر مصيبـة وناطـا خدهـا
يا عيـال آدم وحـواء تراهـا ماتـدوم ....... .............. دورة الأيــام لا بـدهـا لا بـدهــا
أدري إن فالناس معطى وفالناس محروم ....... هيه يا بيـض النوايـا ويـا مسودهـا
جعل قسمي عند ربي من خيار القسـوم ........... واحـدٍ يعـط العطـايـا ولا يرتـدهـا
يا وليد البط وشلون ما تعـرف تعـوم ............ وأنت أبوك يعوم جزر البحـور ومدهـا
أنت يا حلمٍ حلمته ما هو مثـل الحلـوم ........... ياضحية مزح الأحـلام مـادري جدهـا
يا ضميري لا يهمك من الدنيـا همـوم ................. الصعيبـة حِلْهَـا والبسيطـة عـدهـا
جات في شد الشوارب وفي قرب الخشوم ....... كبر الضيفه وعش الضيـوف وغدهـا
الردي لو دَرَس المرجلة في كـل يـوم ................ المراجـل عنـد أهلهـا يذعـذع ندهـا
ما كشفت إلا وضع والنمايـم والعلـوم ........... يا رسول الحكي هات العلـوم أو ودهـا
الصفوف اثنين هـذا دفـاع وذا هجـوم .......... وأنت أظنك ما أنت معها ولا أنت بضدها
مير في سوق الأظلة تريـح ومخـدوم ........... وإن ذبحك الجوع كِـدْ التكاسـي كِدْهَـا
هذه أحدى درر الشاعر العلم سلطان بن وسام الهاجري
الزمان اللـي تحـدى قوييـن العـزوم .............. لين مشاها علـى ود مـا هـو ودهـا
المجامل بعض الأحيان ما يقضي لـزوم ....... قاضب النفس الضعيفة ولا هـو قدهـا
كل ما كبرت وضاقت على عيال الرخوم .......... نحتزم لأكبـر مصيبـة وناطـا خدهـا
يا عيـال آدم وحـواء تراهـا ماتـدوم ....... .............. دورة الأيــام لا بـدهـا لا بـدهــا
أدري إن فالناس معطى وفالناس محروم ....... هيه يا بيـض النوايـا ويـا مسودهـا
جعل قسمي عند ربي من خيار القسـوم ........... واحـدٍ يعـط العطـايـا ولا يرتـدهـا
يا وليد البط وشلون ما تعـرف تعـوم ............ وأنت أبوك يعوم جزر البحـور ومدهـا
أنت يا حلمٍ حلمته ما هو مثـل الحلـوم ........... ياضحية مزح الأحـلام مـادري جدهـا
يا ضميري لا يهمك من الدنيـا همـوم ................. الصعيبـة حِلْهَـا والبسيطـة عـدهـا
جات في شد الشوارب وفي قرب الخشوم ....... كبر الضيفه وعش الضيـوف وغدهـا
الردي لو دَرَس المرجلة في كـل يـوم ................ المراجـل عنـد أهلهـا يذعـذع ندهـا
ما كشفت إلا وضع والنمايـم والعلـوم ........... يا رسول الحكي هات العلـوم أو ودهـا
الصفوف اثنين هـذا دفـاع وذا هجـوم .......... وأنت أظنك ما أنت معها ولا أنت بضدها
مير في سوق الأظلة تريـح ومخـدوم ........... وإن ذبحك الجوع كِـدْ التكاسـي كِدْهَـا
هذه أحدى درر الشاعر العلم سلطان بن وسام الهاجري