من حضرتك عشان قلبي تذله

[مشاري الحكير]

بسم الله الرحمن الرحيم

هذي ابيات عتاب اقول فيها:



:لاتعتذر دامك تبي ترحل الـــــيوم
ما عاد لعذارك بقلبي مكانه

عشت الزمان بدنيتي دوم محروم
وأنت الزمن عشته بطيحة ميانه

كنت أحسبنك بالوفا عايش دوم
ياللأسف ضيعت حبي وأمانه

ترى الهوى شرعه مواعيد ولزوم
ابسألك يافلان ليه الخيانه

ان كان شرعك بالهوى ماله سلوم
وعايش حياتك كلها في مهانه

قرب ترى عندي سواليف وعلوم
مال الاهانه غير رد الاهانه

وكانك تبي في بحرنا تكثر العوم
بحر الهوى له وقت ولى زمانه

ابدفن الماضي وبقول مرحوم
مرحوم ياشخص غدر بي لسانه

وبحرق بقايا ذكرياتك وملزوم
أحرق مع الذكرى قلوب جبانه

مشاري الحكير

[ابو تركـي]

تسلم يدك والله
تحياتي لك

[المستشار]

صح لسان القائل وسلمت يد الناقل

رائع مانقلت اخي مشاري

والله يعطيك الف عافيه

[الحمادي]

وبحرق بقايا ذكرياتك وملزوم
أحرق مع الذكرى قلوب جبانه
صح لسان الشاعر
ابيات راااااااائعه
تسلم يداك مشاري
تحياتييييييييي

[عبد العزيز الراجحي]

ابيات في غاية الروعه والجمال سلمت يدك علي النقل