==== أبو غريب ====

[مداعب الريم]

المشهد اللي صار بين أحضان سجن أبو غريب
مصيبة ياكبرها ياعظمها ياهولها
تشيب منها روس ناس مالها نيه تشيب
شاب الطفل في ميزبه والبنب في هندولها
ونبت الفياض من الضما ماظن يروي أي شيب
والانعام قامت من غبينتها تجر أذيولها
والطير ضاق به الفضا والارض والكون الرحيب
يبكي على السدره وهي تبكي
على غرمولها
وأجزا الثواني والدقايق بينها أمر عصيب
وأيام وشهور السنه كانونها وأيلولها
جف المطر والشمس غابت من قبل حل المغيب
والليله القمرا على الظلما تمد سدولها
كم من بيوت من فراق أصحابها صارت عشيب
وكم من لافاعي موتت في سمها بدحولها
الغدر يرعد في العراق وله صدى في تل أبيب
وبله عباريد ترادم والدمي إسيولها
وأنا معك ياللي تقول إن ماعلى غريب
وخلك معي لاقلت ضربت بغير فحولها
وإن كان في الدنيا عجيب فشي واحد هو العجيب
ناس تهل دموعها وناس تدق طبولها
ناس على هرج السعه فمها وسيع تقول بيب
وناس على الموضوع كله سد فمها غولها
وناس سوالفها مابين حلوقها مثل الدبيب
مثل الهنود اللي على السيكل تشيل سطولها
هم يحسبون إن القضيه حلها بيد الصليب
هم مادرو إن صليبها يامر على إنتربولها
وأنا بدون شعور قمت أصيح بالصوت الصليب
صيحه ورا صيحه وأنا أحسب إن العرب صاحوا لها
وأثارني سوات من يزهم ولا حوله مجيب
وسوات من يزرع بذورن ماجنى محصولها
وأما أنت ياللي قلت خلك بين ظهران وطريب
في خاطري لك كلمتين مستحي لاقولها
إن كانها هلت دموعك من غنا بدر الغريب
فأنا دموعي مايغرك وش سبب هملولها
لون عندك ذره من الدين يالوجه الكئيب
ماقلت كلمه وأنت مانت بعارفن مدلولها
وأما أنا يشهد علي اللي على خلقه رقيب
نلت العلا يوم أنت وأشكالك عجزت تنولها
ولابد ناخذ حقنا بالطيب وألا بالغصيب
لو ضحكت الدنيا وضحكتهم وهم ضحكولها
فإن كنت عاجز تاخذ حقوقك فوكل لك طليب
وخلك من المغرب إليا باريس إليا إسطنبولها
هذي قضيه كنت أسولفها على سقم الحريب
اللي علوم المرجله تسموله ويسمولها
حسن سعيد معرب الجدين والخال العريب
إن عدو زحول الرجال يعد ضمن زحولها
من لابتن عند الملاقا جرحها جرح عطيب
من دية حتى العدى بأنفوسهم شهدولها
أن كانها بالشر شر وكانها بالطيب طيب
ويقطع رجالن في الملاقا ما تشاف فعولها
وأثنا دراستنا القضيه ياعساها للذهيب
نبي نفك الشفره ونعرف رموز إحلولها
طحنا على عنوانها عنوانها إفهم يالبيب
غير العرب مافهمت الطبخه ولافطنولها
وعلمن طمر في علم وأخر علمنا قصة كليب
ساعة رواها أبو شنب فجأه طلبت إعدولها
قال إيش فيك وقلت ربك يفطر في العظات الشيب
النفس مالت كان تدري وش سبب ميولها
موضوع في غاية الاهميه ويحتاج إتعقيب
مهمتك منقوضها وأنا علي مفتولها
ماتدري إن الذيب يابن حسين في وسط القليب
وماتدري إن القوم ركبت في ظهور خيولها
عاين على يمناك يمال الشحم والذيب ذيب
لابارك الله في جمالن ماتشيل إحمولها
بنت العليا من يمينك في ظهر بي إم جيب
مرت مع شارع ولي العهد وأنتبهولها
أطرد ورى بي إمها وماجابت الدنيا تجيب
حنا لها حنا لها وأنتو لها وأنتو لها
وأنا أدري إن طرد المقفي شرهتن فينا وعيب
لكن خذت عقلي مع ناس خذت بعقولها
وأنا باقوس الوجه والشيطان يحضر و يغيب
والله لو لزم لامر على الركب لأحبولها
والحظ عشرين ألف يخطي ومره يصيب
يالله عساه يصيب ويجود طرف مجدولها
ظنيت ظن وياعسى ظنن ظننته مايخيب
والاعمال بالنيه على الله رفضها وقبولها
وحرب البسوس اللي غدت بكليب في وادي جريب
ماهاضها غير البسوس بصولها وبجولها
قال إحتزم والخيل والميدان وإشرب ياشريب
أما قطر سعبولنا وألاقطر سعبولها
قمت أهدر مثل الجمل وهو جلس يقنب قنيب
ينقص ويجمع وأنا أضرب عرضها في طولها
المقصد إنها وقفت بوزان مستشفى الحبيب
ساع إنحرت باب الطواري كلهم فزولها
خذت لها تقريب ساعه من طبيب في طبيب
كله لعين الجرعه اللي ركزو محلولها
وقمت وقعدت إلها على ركبه وفي مثناة سيب
وأثر مدرا الاقسام مثلي قاموا وقعدوا لها
والمشكله يوم خرجت وقالت بصوت شحيب
للسايق إمش بسرعه وتشر براس أنمولها
عيونها كنها تقول لخدها قو تو سليب
يالله عسى يفدنها رمد العيون وحولها
نار البدو في خدها متواقده تلهب لهيب
وصوت الحطب والنار تلهب مثل صوت إحجولها
والجسم بارز والخصر مثل الغصن ري ورطيب
ولها ردوفن تشتكي من لارجها وسمولها
تمشي مثل مشي الغزال المستهيب المستريب
ودقت جواد إبن علي تقول قرع إنعولها
جوالها الدمعه وأنا باقي بجوال الرهيب
يدق عند خروجها ويدق عند إدخولها
يانعنباها والله إنها تاخذ العقل اللبيب
وش عاد لو خذت على السرير الابيض طولها
البرتقاله كانها متصدره فيديو كليب
والله ماتاكل عيش مع هذي ولاهيب حولها
فأنا أشهد إنها شق وجه وشلع ثوب وطر جيب
بأموت ماقد راح من قدام عيني زولها
لاوسعد الله سعد من مثلي تمنى العندليب
إنها بكرت العايله مضمومتن وأعولها
المقصد إنها مشت وأنا باريتها وأقول هل من مستجيب
ثم وقفت وأرخت مناكبها على جعزولها
ردت علي تقول حاول ياغريب تكون أديب
اللي تكلمها ماتدري بن فلان وش هو لها
دام الجمر يرجع رماده والعنب يرجع زبيب
روح ترا بعض الاوادم سترها بهمولها
قلت اللكاعه حافظنها كلها عن ظهر غيب
وعز البلد برجالها ماهوب في بترولها
وأنا صبي قحطان سدي في اللقا سدن قطيب
من لابتن يم الصلاه لربنا صلو لها
عامين وأمي من على خشمي تحلب من الحليب
وبعض الرجال فطمته أمه قبل يكمل حولها
حسبي عليك الله سبحانه وهو نعم الحسيب
زادت بك النعمه عسى ربي عليك يزولها
إن قلت مأنت بلي صحيب أقول مأنت بلي صحيب
الرجل من جنبيته والبنت من مريولها
سبت وسبيت وتبادلنا الشتايم والسبيب
ولولا مخافة خالقي تليتها برجولها
أوجعتها بالحكي نين دموعها أنهالت سكيب
ويبدولي إنها خربت الرصه وهو يبدولها
وجاني خوي الجنب ينشد قلت له لقيت حديب
أوصولها يابو شنب وألا ماهوب أوصولها
وأنا أدري إن مافيك شك مره ولافيك ريب
تقولها وتطولها وأقولها وأطولها
وترى الثمن ماهوب شرط لكل مشوارن تعيب
كم من رجالن دبلت وأخصامهم سرو لها
وأنا عجزت أجود عنان الكحيله من قريب
وأنت وغيري تناوشها يابن عاطف ولاهو حولها
لاوالله ألا مالنا ذا اليوم في الطيب نصيب
مادام بيبان النصيب مقفله بقفولها
وبدري على بوها تنسيني قضية بو غريب
قضية ياكبرها ياعظمها ياهولها...

الشي الأكيد طول القصيده لكنهى اعجبتني واحببت امتاعكم بها
لــــكم مودتي

[ابو تركـي]

يعطيك العافيه على النقله
تسلم يدك والله

تحياتي لك

[ابو فيصل]

الله يعطيك العافيه

نقل راااااائع

تحياتي لك

[مداعب الريم]

ابو تركي وابو فيصل
لكما مودتيييي عيى المرور الرائع

[ع ـآلـي مستـوآهـآ]

مدآع ـب ـآلرييم ..



تسلم يمنآآك ع هيييك نقل .. )

ـآع ـذب تح ـيييه ..


\

[الحمادي]

الله يعطيك العافيه
تسلم يداك ع النقل الراااااائع
لك حبيييييييييييييييييييييييييييييي
و
تحياتييييييييييييييييييييييي

[المغترة]

يعطيك العافيه

ع الأبيات الرائعه

دمتِ مبدع

[مداعب الريم]

ع ـآلـي مستـوآهـآ و الحمادي والمغترة
لا أقول سوى لكم محبتيييييييي على المرور الجميل

[بنت الشيوخ]

رووووووووووووووعــــــــــهـ

تســـــــــــلم يمينـــــــــــك

ع هالابـــــــــــداااااع

[مداعب الريم]

http://www.salam008.com/up//uploads/images/salam008-53e3699292.gif
مشكــــــــور على المرور الجميــــــل لكي مودتيييييييييييييييي